سلام پرېس 
په ايراني بانکونو کې د نيمروز ولايت د صرافانو د شاوخوا څلور ميليونه ډالرو کنګل کېدو د دغه ولايت د صرافانو او خصوصي سکټور اندېښنې زیاتې کړې دي. د نیمروز د صرافانو ټولنه وايي، د ایران حکومت له یوې میاشتې راهیسې د یو شمېر افغان صرافانو بانکي حسابونه تړلي او پیسې یې کنګل کړې دي. نیمروز کې یو شمېر صرافان وایي، په ایراني بانکونو کې د کنګل شویو پیسو زیاته برخه د دوی ده، چې د امانت په شکل هلته ساتل کېدې. دا صرافان له سرپرست حکومته غواړي، چې ایراني بانکونو یې د پیسو راګرځولو په برخه کې ورسره مرسته وکړي. د نیمروز سیمهییز مسوولین وایي، دا ستونزه یې له ایراني چارواکو سره شریکه کړې ده. د دوی په خبره، ایراني چارواکو د دې ستونزې د ژر هوارېدو ژمنه ورسره کړې ده.
